السلام عليك
أحب أقول إنى بكتب و أنا فى قمة الغضب
كان عليا إمتحان نيورال شفوى
قلت أسلم للدكتورة اللى عملته من يومين كمشروع الفريق فى المادة
المهم قلت لازم أخلص شوية حاجات و أضفت الخواص اللى كنت قلت عاوزها و الأداء مكنش بطال
و خرجت على الكلية علشان أمتحن و أسلم المشروع
لاقيت الدكتورة بتقولى كلام أحبطنى جداً:
-أنا عايزة البرنامج بالماتلاب-أنا أستخدمت موديول زى اللى فى الماتلاب و الكود زيها-خلاص أعمله ماتلاب....أنا عايزاكم تتعلموا ماتلاب...و أزاى تطبق ده على التحكم فى بروسيس
يعنى هو بتحكم فى بطاطس؟
ما هى بروسيس برده
المهم فى الكلية إننا نتعلم ماتلاب
ولا كأنى بزلت جهد في الزفت ده بقالى أسبوع
و بالمرة بقى صيانة الحاسب
:D
اللى على حسب كلام الدكتور:
المادة اللى هتستركم لم تتخرجوا
على أساس أخرنا نشتغل فى شركات صيانة يعنى؟
بس برده مسمعتش كلام ضيف و زيادة إنى فعلاً كنت خلصت اللى مفروض أعمله
..................
haaaaaaaah khalast
Posts
أعصابك يابني :)
ReplyDeleteعطية يا عزيزى ...
ReplyDeleteلازم تكون فاهم أنى بالاضافة انى باعتبرك من أقرب و أقدم أصدقائى ، فأنا باعتبر عقليتك من أحسن العقليات العلمية اللى تعاملت معاها ، و بالتأكيد أنت ظلمت فى نظام تعليمى فاشل زى ما ظلم الآلاف غيرك ،
أتمنى أنك اذا كنت عايز تطلع بحاجة من الموقف السخيف ده ... فهى انك ما تضيعش وقت و مجهود مع حد مش هايقدره ...أما اذا كنت مستنى من الحد ده تقدير و مدح ... أعمل له اللى هو عايزه ، و لا تزد عليه
عادى يا ابنى اعصابك الدكاترة اصصلاا اتخلقو للاحباط والنكد ومحاولة ابتكار اساليب جديدة للتعزيب .... ارحمنا منهم ياااااااااااااارب
ReplyDeleteيعجبنى فى ضيف منطقيته
ReplyDeleteانا اتفق معاه جدااااااااااااااااا
أنا مستنى درجات على حاجة أنا بحب أعملها !!
ReplyDelete... هوّ احنا فينا من كدة ... انت هتخلّيني أعيد الإعتبار في موضوع حاسبات المنصورة ده ...
ReplyDeleteالدكاترة دول الظاهر مش هيمشي معاهم غير انك تخش عليهم بحلّة محشي و ممبار ...
@3atia : الغلط يا صديقى هو انك تستمر فى اللى يؤذيك .. أنت تريد و أنا أريد و الله يفعل ما يريد !!
ReplyDeleteموضوع انك عايز درجات فى حاجة بتحبها ... طيب ما كلنا كده يا باشا ، بس الظروف اللى احنا اتحطينا فيها فاسدة من ألفها الى يائها ، أناأصلا مش معتبر نفسى هابقى ان شاء الله خريج جامعة ، لأنى مش معتبر نفسى دخّيل جامعة اذا جاز اللفظ !!
هل ده كان بايدى ؟ لأ طبعا !! هل بامكانى انى اعمل حاجة و متأخر ؟ برضه لأ ... يبقى فى حل من اتنين ...
يا اما أبذل مجهود بشع على الفاضى فى الكلية و كل ما اقابل جاهل أو أبله أو شرير يؤذينى بكلام جارح ، أفضل أقول انا حظى زبالة ،
أو أنى أتعايش ،و احاول اعدى المرحلة الاجبارية دى من حياتى بأى شكل ، و على التوازى أطور نفسى - زى ما انت بتعمل - و احاول أخرج من الكلية بأى حاجة عن طريق انى أشتغل زى ما هم عايزين ؟
دا حرااااااااااااااااااااااام
ReplyDeleteقشطة يا عطيه دا انت امر من اللى رجع بـخف حنين
انت المفروض بقى تروح تنتحر بس حتى الانتحار مينفعش لانها مش دى المادة اللى تنتحر عشانها
و يبقي الحال كما هو عليه و علي المتضرر خبط دماغه في الحائط أو في شبكه عصبيه :)
ReplyDelete:s:s
ReplyDeleteI am Sorry wallahy .. ma kuntesh motwake3 en dema3'ha awy kda !
ma te5leesh da yedy2ak yabny
bel 3aks da ye5leek tefra7 en dema3'ak a7san men dema3' Dr gam3a :)
Rabena yostor w ma 7adesh yeshoof el Post da le 7ad ma net5rag . lol :D:D
3atia ... screen shoot bsor3a le reply Tamer .. hanbtazo :D
ReplyDeleteايه يا عطية .. براحة يبني اعصابك
ReplyDelete:)
وانا اللي مفكر حاسبات بس اللي كده
:lol:
معلش يا عطية راعي انهم دكاترة .. وطبقا للقاعدة اللي بتقول
انك كل ما قعدت في التعليم اكتر .. كل اما بتاخد شهادات غباء اكبر
ونسبة الغباء تزيد
..
اذن هما دكاترة في الغباء .. ومعاهم شهادات في كده
:D
ريح دماغك منهم خااالص
:)
واتعلم تقول : حاضر , وشكرا , وانت بابا وانتي ماما , واحنا من غيركم ولا نساوي حاجة , ومن غير توجيهاتك العظيمة دي احنا كنا هنسقط
:)
وخليك واثق انك بعد الكلمتين دوول هتجيب اعلى درجة
واسأل مجرب
:D