أنا مش شمتان

هففففففف, ناس كتير زعلانة على موضوع التحقيق و أن الموضوع كتر زيادة عن اللزوم و ناس بتنتقضنى على إن مؤيد, و ان الحكاية متستهلش و كده مش هنعدى من المادة و السنة الجاية الدكتور هيستقصدنا. طيب أنا عاوز أعرف الموضوع هيستاهل أمتى ؟ كل دفعة تتخرج تقول الحمد لله خلصنا و طز فى الكلية و أحنا مستنيين كده و ملناش دعوة باللى يحصل و بنطلع نتصدم برة و نلاقى اللى بناخده ولا حاجة و يمكن يكون ولا حاجة لكليات جوه مصر كمان !!, أنا على سبيل المثال السنة اللى فاتت قدمت على تدريب فى القاهرة و محدش عبرنى !!

قولت لبابا يسألى ليه ؟ ردوا عليه أصله من المنصورة , المهم

مفيش حد مبيغلطش , بس فيه مناصب متقدرش تمسكها غير لما تكون مدييها حقها و قادر عليها , مناصب يتعلق بها حياة ناس أخرى, مش لما طيار يسبب غلطة فى رحلة و يموت الناس اللى معاه هنقول إنه أنسان و بيغلط

و مش معنى أن أحمد زويل دكتور واخد نوبل أنه يبقى بيشرح أحسن واحد

المُعلم لازم طول حياته يزاكر و يكون أذكى واحد قاعد فى المحاضرة و عارف أزاى يدرس و يتعمل مع الطلبة

أنا عاوز بس لما يبقى فيه مادة علينا يبقى بستفاد منها و منهجها محطوط صح و متراجع علشان و أنا بزاكرها مبقاش خايف إن اللى بزاكره ده فيه حاجة غلط و ده حال معظم اللى بناخده

و يمكن المادة الوحيدة الجديد اللى أخدناها بضمير الفيريلوج بس الكتاب كان فيه غلطات طيب ميهمش , الألجوريثمث و الداتا ستركشر أنا أتحدى لو كان الدكتور قال سيرة ال بيج أوه و ده مثال على كورس منهم :

http://www.cs.auckland.ac.nz/software/AlgAnim/ds_ToC.html

أكاد أقسم أن أحنا مخدناش تلت الكلام ده , يقولك أصل أحنا لسه ضغيريين على الكلام ده , أما هنكبر أمتى ؟؟

الكمبيوتر أركتكتشر : أخدناها حلو والله هييييه و قلت أزاكرها من مرجع لأنى حبتها مووووت , لقتنا مخدناش منه غير 3 شاباتر من النص من 13 شابتر!! قولت يمكن الكتاب مستفيض و مكمل أدفنسد و لما كنت وصلت فيه لشبتر 9 قلت لأمير أبن عمى اللى فيى جي يو سي أنا زاكرت لحد 9 فى الكمبيوتر أرك على أساس إنى عملت أعجاز لاقيته أصلاً و اخد ال 13 فى المنهج السنة اللى فاتت يعن ده طلع منهج كورس واحد, بالظيبطططط زى الكنترول المفروض منهج سنه و أحنا بقالنا 3 سنين بناخده

مش لازم اللى معاه الدال يدرس و مش لازم يبقى برفكت بس لما نقول أنه أحنا مش بناخد ألجوريثمث صح يقولنا لأ و لازم نبقى غلطانين أى نعم الدكتور ممكن يكون بيعملنا كأولاده حتى بعد كده كان عاوز يطلعنا رحلة للقرية الذكية معاه , بس أحنا فى جامعة و المفروض نتخرج نشتغل و مستقبلنا متعلق باللى بناخده فى الكلية , مش حكاية 5-4 سنيين و نتخرج

أنا كتبت كده علشان أبين أنى مش شمتان و عارف أنه عادى الدكتور هيدينا السنة الجاية إن شاء الله بس دلوقتى أقدر أنتظر بعض التغيير فى المعاملة و لكن الكل متوقع طبعاً التحول للأسوء , و ده هنعرفه من النتيجة طبعاً

صحيح فيه “حاجة “ حلوة حصلتلى مرة , أنى فى محاضرة دكتور هشام مرة كنت وصلت يادوب و ملقيتش غير أنى أقف ورا , و فجأة قبل ما المحاضرة تخلص ب 10 دقائق الدكتور طردنى أنا و واحد تانى و أنا أصلاً طول المحاضرة متكلمتش و برفع أيدى لمل يسال !! بعد مخلص سألته ليه يقولى علشان مش واقف عدل , ماشى أنا كنت زعلان سعتها جداً بس الأهم أن الأسبوع اللى بعديه الدكتور أعتذر فى وسط المحاضرة و قالى أنا أسف المفروض مكنتش أطردك أنا أتصدمت مكنتش عارف أقول أيه !! قولت شكراً مكنتش أتخيل أنها تحصل و من ساعتها و أنا بحترمه .

و ياريت تشوفوا الدكتور ده و هو بيشرح: لانه السبب فى بعض التعقيد اللى أنا فييه كان أحمد سليمان قلنا عليه و مكنتش أصدق أنه فيه كده

شكلى هعمل بوسط و أمرى لله مع أنى حاسس أنى هعيد السنة لو حد منهم قرأ الموضوع و لو حد شايف أنى غلطان يا ريت ينتقدنى و ياريتتتتتتتتتتتتتتتتتت حد يقولى إن الموضوع ده مش مناسب أنه يتحط و إنى لازم أمسحه

BTW This was some good mind discharge :D.